Latest News

தங்களின் பிராந்திய செய்திகளை அனுப்பி வையுங்கள் உலகறிய செய்கிறோம்
newsalai.com@gmail.com

தமிழீழ தேசிய தலைவர் வேடத்தில் அஜய் இரத்தினம். தமிழர்கள் ஏற்பார்களா?

தமிழர்களை பொறுத்தவரை தேசிய தலைவர் மேதகு பிரபாகரன் என்பவர் உலகில் உள்ள அனைத்து தமிழர்களாலும் போற்றி  வணங்கப்படுபவர். தமிழின உணர்வாளர்கள் சிலர் அவரை  கடவுளுக்கு நிகராக போற்றுகின்றனர். தமிழினத்தின் வீர அடையாளமாக   இராஜ ராஜ சோழனை போலவே பிரபாகரனும் கருதப் படுகிறார். அந்த அளவிற்கு தமிழ்த் தேசிய கட்டமைப்பு உருவாக்கியவர் பிரபாரகரன். உலகில் உள்ள போராளிப் படைகளில் , தங்களுகென்று தரைப் படை, கப்பல் படை , வான் படை என முப்படைகளை கட்டி எழுப்பிய ஒரே படை விடுதலைப் புலிகளின் படையே ஆகும். அப்படிப் பட்ட ஒப்பற்ற இயக்கத்தின் தலைவர் மேதகு பிரபாகரன் ஆவர்.

பிரபாகரன் வேடத்தில் நடிக்க இதுவரை திரையுலகில் யாரும் முயற்சித்தது இல்லை. அப்படியே முயற்சித்தாலும் அவரை ஒரு கதாநாயகனாகத் தான் படத்தில் காட்டுவார்கள் தவிர ஒரு கேட்ட சக்தியாக காட்ட மாட்டார்கள். அப்படி காட்டினால் தமிழர்கள் ஒருபோதும் ஏற்கமாட்டார்கள். மெட்ராஸ் கபே என்ற படத்தில் ராஜீவ் காந்தியை ஒரு கதாநாயகனாக்கி , பிரபாகரனை அவருக்கு எதிரான தீய சக்தியாக காட்டுயுள்ளனர். இதை தமிழ் மக்கள் எப்படி ஏற்பார்கள்? மேலும் பிரபாகரன் வேடத்தில் நடிக்கும் அஜய் இரத்தினம் இந்த வேடத்திற்கு பொருத்தமானவர் தானா என்று யோசிக்கவேண்டும். உலகத் தமிழினமே போற்றும் ஒரு தலைவரின் வேடத்தில் நடிக்க அஜய் இரத்தினம் போன்ற மூன்றாம் தர நடிகருக்கு என்ன தகுதி உள்ளது என தமிழின உணர்வாளர்கள் கேள்வி எழுப்பி உள்ளனர். இராஜ இராஜ சோழன் வேடத்தில் நடிக்க நடிகர் திலகம் சிவாஜி கணேசன் பொருத்தமாக இருந்தார் . அதுவும் இராஜராஜ சோழனை போற்றும் படமாக அது அமைந்தது. ஆனால் பிரபாகரனை போல் வேடமிட்டு நடிப்பதற்கு இதுவரை கதாநாயனாக நடிக்காத , எதிர்மறை வேடங்களில் மட்டுமே நடித்து வந்த அஜய் இரத்தினத்தை தேர்ந்தெடுத்தது திட்டமிட்டு பிரபாகரனை அவமதிக்கும் செயலாகவே பார்க்கப் படுகிறது. இப்படி ஒரு பாத்திரத்தில் நடிக்க அஜய் எவ்வாறு சம்மதித்தார். தமிழர்கள் கொந்தளிப்பார்கள் என்று அவருக்கு தெரியாமல் போனது ஏன் ? மேலும் படத்தின் படி பிரபாகரன் இந்தியாவிற்கு எதிரான தீய சக்தியாக காட்டப்படும் போது, அந்த வேடத்தில் நடிக்க அவர் மறுத்திருக்க வேண்டும் அல்லவா ? அப்படி செய்யாமல் கொடுத்த காசுக்கு வேலை பார்க்கும் விதமாக தமிழர்களின் அடையாளமாக விளங்கும் பிரபாகரன் வேடத்தில் அஜய் நடத்தை தமிழர்கள் ஒரு நாளும் ஏற்கமாட்டார்கள். இப்படி நடிக்கும் அஜய் ரத்தினத்தை தமிழர்கள் இனியும் நடிப்பதை ஏற்றுக் கொள்ளமாட்டார்கள். ஒப்பற்ற ஒரு தலைவனின் வேடத்தில் , ஒரு சிறிதும் பொருத்தமில்லாத ஒரு நடிகர் நடிப்பதை தமிழ்த் திரைப்பட ரசிகர்கள் நிச்சயம் ஏற்க மறுப்பார்கள் என்றே சொல்லலாம். ஏற்கனவே சமூக வலைத்தளங்களில் அஜய் ரத்தினத்திற்கு கண்டனங்கள் குவிந்த வண்ணம் உள்ளது. உண்மையில் இப்படி ஒரு பாத்திரத்தில் அஜய் நடித்திருக்க கூடாது என்று பலரும் கருத்து கூறியுள்ளனர். தமிழர்களுக்கு எதிரான மெட்ராஸ் கபே படத்தை தடை செய்ய வேண்டும் என பல கட்சிகள் கோரிக்கை வைத்த நிலையில் , இப்படத்தில் பிரபாகரன் வேடத்தில் அஜய் ரத்தினம் நடித்திருப்பதை பார்ப்பதால் மேலும் தமிழர்கள் கோபம் அடைவார்கள் எனத் தெரிகிறது. தமிழகத்தில் உள்ள பல கோடி உணர்வாளர்கள் நிச்சயம் பிரபாகரனாக நடிக்கும் அஜய் ரத்தினத்தை ஏற்க மாட்டார்கள் , மெட்ராஸ் கபே சொல்லும் பொய்யான செய்தியையும் ஏற்க மாட்டார்கள். 
[vuukle-powerbar-top]

Recent Post