Latest News

தங்களின் பிராந்திய செய்திகளை அனுப்பி வையுங்கள் உலகறிய செய்கிறோம்
newsalai.com@gmail.com

எங்கள் தேசிய மொழி தெலுங்கு.  இந்திய பாராளுமன்றத்தில் எங்கள் மொழியில் பேச எங்களுக்கு உரிமை இல்லையா? - ஹரி கிருஷ்ணா தெலுங்கு தேச எம்.பி சாடல்.

சில நாட்களுக்கு முன்பு தெலுங்கான விவகாரம் குறித்து பாராளுமன்றத்தில் ஹரி கிருஷ்ணா பேசும் போது அவருடைய தாய் மொழியில் தான் பேசுவேன் என்று கூறினார் . பாராளுமன்ற உறுபினர்கள் அவர்கள் தாய் மொழியில் பேசலாம் என்ற விதி உள்ளது . அமைச்சர்கள் மட்டும் தான் தங்கள் தாய் மொழியில் பேச உரிமை இல்லை. இருந்தும் பாராளுமன்ற நாயகர் மலையாளி குரியன் அதற்கு அனுமதி மறுத்தார். தனக்கு தெலுங்கு மொழி தெரியாது அதனால் ஹிந்தியிலோ ஆங்கிலத்திலோ ஹரிகிருஷ்ணா பேசுமாறு கூறினார் .

அதற்கு ஹரி கிருஷ்ணா கூறிய பதில்கள்..

ஆந்திரா எங்கள் நாடு.  தெலுங்கு எங்கள் தேசிய மொழி. என் உணர்வுகளை தெலுங்கு மொழியில் தான் பேச முடியும் . இந்த ஒரு முறை நான் தெலுங்கில் பேச அனுமதியுங்கள் . எத்தனையோ பெரிய தலைவர்கள் ஆந்திரா நாட்டில் பிறந்துள்ளனர். அப்படி பெருமை வாய்ந்தது எங்கள் நாடு. நான் ஆந்திரா மக்களின் சார்பில் பேச வந்துள்ளேன் . எங்கள் மொழியில் பேச முடியாதவாறு எங்களுக்கு உத்தரவிடுகிறீர். எங்கள் இனத்திற்கு அநியாயம் செய்கிறீர். எங்கள் வயிற்று எரிச்சலை வாங்கிக் கட்டிக் கொள்கிறீர் .

இந்த சபை எல்லாவற்றையும் உணரவேண்டும் . எங்களுடைய பிரச்சனைகளை புரிந்து கொள்ளவேண்டும். எங்கள் நிலை மிகவும் மோசமானாதாக உள்ளது . இந்த நிலைக்கு காரணம் யார் . காங்கிரஸ் கட்சியா ?
உடனே குரியன் , மொழிப் பெயர்ப்பாளர் இல்லாமல் நீங்கள் பேச முடியாது என்று அனுமதி மறுக்கிறார். இந்தியில் அல்லது ஆங்கிலத்தில் தான் பேசவேண்டும் என்று மீண்டும் கூறுகிறார் .

அதற்கு ஹரி கிருஷ்ணா,  இந்தி மொழி தெலுங்கு மொழியை விட எந்த வகையில் சிறந்தது ?  இங்கு இந்திகாரர்கள், கன்னடகாரர்கள், ஆங்கில மொழியினர் இங்கு இருக்கிறார்கள். எல்லா மொழியிலும் நாங்கள் மேதைகள் அல்ல . நாங்க எங்கள் சொந்த மொழியில் பேசக் கூடாதா ? எங்கள் மொழியில் பேசக் கூடாது என எங்களை சிரமத்திற்கு உள்ளாக்குகிறீர்கள் . என்ன ஒரு கொடுமையான நிலை இது . இங்கு ஒரு விடயம் பேசுவதற்கு இந்தி மொழிபெயர்ப்பு வேண்டும் என்கிறீர் . இப்படி ஒரு நிலை வருமென்று எனக்கு தெரியாமல் போய்விட்டது என்று கூறுகிறார் .

பிறகு பேசிய குரியன் எல்லா மொழிகளும் தேசிய மொழிகள் தான் . எந்த மொழியும் தாழ்வான மொழி அல்ல . ஆனால் இந்தி அல்லாத பிற மொழிகளை பாராளுமன்றத்தில் பேச வேண்டுமெனில் முன் கூட்டியே அனுமதி வாங்க வேண்டும் , அப்போது தான் நாங்கள் மொழிப்பெயர்ப்புக்கு ஏற்பாடு செய்ய முடியும் என்று கூறுகிறார் . மலையாளியான குரியன் இந்தி பேசுகிறார் ஆனால் தெலுங்கு தெரியாது என்கிறார்.

இந்த நிகழ்வில் இருந்து நாம் அறிய வேண்டிய செய்திகள் பல உள்ளன . பல மொழிகள் பல தேசிய இனங்கள் வாழும் நாட்டின் பாராளுமன்றம் ஒவ்வொரு மாநில மொழிக்கும் நிரந்தரமாக ஒரு மொழிப் பெயர்ப்பாளர் வைக்காதது ஏன் ? 8 கோடி தமிழ் மக்கள் , 10 கோடி ஆந்திர மக்களின் பிரதிநிதியாக பாராளுமன்றத்தில் ஒருவர் பேசும்போது அவர்கள் மொழியில் தான் பேசுவார்கள் . பேசவேண்டும் . அதற்கான அனுமதி வாங்க வேண்டும் என்ற அவசியல் இல்லை. இந்தி மொழி பேச அவர்கள் எந்த அனுமதியும் வாங்க வில்லையே ? அப்படி இருக்கும் போது தமிழ் மொழி தெலுங்கு மொழிக்கு மட்டும் ஏன் அனுமதி வாங்க வேண்டும் ? எல்லா மக்களும் இந்நாட்டில் சமம் என்றால் எல்லா மொழிகளும் ஏன் சமமாக பாவிக்கப்படுவது இல்லை ?

இப்படியான சம உரிமைகள் மறுக்கப்பட்ட நிலையில் இந்தியாவில் வாழும் தேசிய இன மக்கள் இருக்கிறார்கள். பாராளுமன்ற மொழியாக ஆட்சி மொழியாக அண்மையில் தோன்றிய இந்தி மொழி இருக்கலாம் ஆனால் தொன்மையான பழைமையான தமிழ் மற்றும் தெலுங்கு மொழிகள் இருக்கக் கூடாதா? . இது தான் ஜனநாயகமா ? இந்திய அரசியல் சாசனம். 8வது  அட்டவணையில் குறிப்பிடப் பட்ட 20 மொழிகளுக்கு ஆட்சி மொழி அதிகாரம் வழங்கப்பட வேண்டும் . இந்தி மொழிக்கு இருக்கும் எல்லா உரிமைகளும் தமிழ் மொழிக்கும் பிற மொழிகளுக்கும் தரப்பட வேண்டும் . கேட்பது பிச்சை அல்ல மறுக்கப்பட்ட நீதி. பாராளுமன்றத்தில் உறப்பினர்கள் மட்டுமல்ல அமைச்சர்களும் தமிழில் பேசலாம் என்ற சட்ட திருத்தும் வேண்டும் . இந்தி அல்லாதவர்கள் இந்திய அரசுத் துறையில் தங்கள் மொழியில் எழுதலாம், பணிபுரியலாம். ரிசேர்வ் வங்கி ஆளுநர் தமிழில் ரூபாய் தாள்களில் கையெழுத்து போடலாம் என்ற நிலை வரும்போது தான் இந்தியாவிற்கு உண்மையில் சுதந்திரம் கிடைக்கத் தொடக்கி விட்டது என்று பொருள். அதுவரை இந்தியநாட்டில் இந்தி அல்லாத அனைத்து தேசிய இனங்களும் அடிமைகளே .




[vuukle-powerbar-top]

Recent Post