Latest News

தங்களின் பிராந்திய செய்திகளை அனுப்பி வையுங்கள் உலகறிய செய்கிறோம்
newsalai.com@gmail.com

தமிழ் எழுத்துக்களில் மாற்றம் கொண்டு வருவதை பற்றி தமிழ் அறிஞர்களின் கருத்து என்ன ?

கணினிக் கவிஞர் கார்க்கி என்பவர் இப்போதுள்ள தமிழ் எழுத்துருக்களில் தற்கால அலைபேசி பயன்பாட்டிற்கு தக்கவாறு மாற்றம் கொண்டு வர வேண்டும் என்று கூறுகிறார். அதற்காக புதிய தமிழ் எழுத்துரு வடிவத்தை ஏற்படுத்தியுள்ளார் கார்கி.

விகடனில் இவர் அளித்த பேட்டியில்  //தமிழ்ல படிச்சாதான் உனக்கு வேலை கிடைக்கும்னோ, தமிழ்ல படிச்சா தனிச் சலுகைனோ அச்சுறுத்தியோ, லஞ்சம் கொடுத்தோ மொழிய படிக்க வைக்குறது நல்ல முறை இல்ல. தமிழ் மொழிய நம்ம தமிழக் குழந் தைகள் இல்ல, உலகக் குழந்தைகள் எல்லாரும் படிக்க ஆர்வம் தூண்டும்படி அதை எளிமை படுத்தணும் ங்குறதுதான் ஐ-தமிழ் திட்டத்தோட முதல் நோக்கம். ஐ-தமிழ்ல 43 குறியீடுகள் கத்துகிட்டா தமிழ் எழுத படிக்க கத்துக்கலாம். ஐ-தமிழ், உயிர்மெய் எழுத்து எழுதும் முறையில் மட்டும் மாற்றம் கொண்டு வரணும்னு கோரிக்கை வைக்குது. // என்று கூறியுள்ளார். 

இதற்கு தமிழ் அறிஞர்கள் என்ன சொல்வார்கள் என்ற கேள்வி எழுகிறது. ஏற்கனவே ஈ வே ரா தமிழ் எழுத்துருக்களில் தேவையற்ற மாற்றங்களை உருவாக்கினார். இகாரத்தை மேலே சுளித்தால் இகார நெடிலுக்கு போதுமானது.  ஆனால் இகார நெடிலுக்கு ஈ என்ற புதிய எழுத்துரு வழங்கப்பட்டது. மேலும் ஐ என்ற இரண்டு மாத்திரை நெடிலுக்கு ஒன்றரை மாத்திரை அய் என்று மாற்றினார் ஈ வே ரா. இந்நிலையில் கார்கி என்பவர் தமிழில் இத்தனை எழுத்துருக்கள் தேவையில்லை என்றும் எழுத்துருக்களை சுருக்கினால் ஆண்டுக்கு 30000 மரங்களை வெட்ட வேண்டிய நிலை ஏற்படாது என்ற புதிய கணக்கை காட்டுகிறார். அதாவது அதிக காகிதங்களை பயன்படுத்த வேண்டிய அவசியம் இருக்காது என்று கூறுகிறார். 

இப்போது சிக்கல் என்னவென்றால் , ஒருவேளை நாம் கார்கி  கூறுகிறபடி தமிழ் எழுத்துருக்களை  மாற்றிவிட்டோம் என்றால் இது வரை  அச்சில் வெளிவந்துள்ள அனைத்து தமிழ் இலக்கிய நூல்களையும் நாம்  மாற்ற நேரிடும். அதற்காக மீண்டும் நாம் பல காடுகளை அழிக்க நேரிடும் அல்லவா? காரணம் புதிய தமிழ் எழுத்துருவிற்கு பழக்கப்பட்ட தமிழர்கள் பழைய தமிழ் எழுத்துருக்களை எவ்வாறு பயன்படுத்துவார்கள் என்ற கேள்வி எழுகிறது. ஓரிரு எழுத்துகளை மாற்றம் செய்தால் நாம் எளிதில் அதை புரிந்து கொள்ளலாம் . ஆனால் முழுமையாக நாம் எழுத்துக்களை மாற்றினால் இப்போது புழக்கத்தில் இருக்கும் பல நூல்களை படிக்க இயலாமல் போய் விடும் . இதற்கு என்ன தீர்வு சொல்கிறார் கார்கி . மேலும் கணினி பயன்பாட்டிற்கு தக்கவாறு தமிழ் எழுத்துருக்களை மாற்ற தமிழ் அறிஞர்களின் கருத்து என்னவாக  இருக்கிறது ? தமிழ் ஆசிரியர்கள் இது குறித்து தங்கள் கருத்துக்களை முன்வைக்க வேண்டுகிறோம். 







[vuukle-powerbar-top]

Recent Post