Latest News

தங்களின் பிராந்திய செய்திகளை அனுப்பி வையுங்கள் உலகறிய செய்கிறோம்
newsalai.com@gmail.com

தமிழ்நாடு வணிகம் மற்றும் நிறுவனங்கள் சட்டம் (1948) பிரிவு 15 (1) (2) (3) படி தமிழகத்தில் உள்ள வணிக நிறுவனங்கள் பெயர் பலகை கட்டாயம் தமிழில் இருக்க வேண்டும்.

இருப்பினும் தற்போது புதிதாக தொடங்கும் பல வணிக நிறுவனங்கள் இந்த உத்தரவை மதிப்பதில்லை. இந்நிறுவனங்கள் ஆங்கிலத்தில் மட்டுமே தங்கள் நிறுவனங்களின் பெயர்களை எழுதுகின்றன. புதிய நிறுவனங்கள் மட்டுமின்றி பழைய பெருநிறுவனங்களும் இந்த அலட்சியப் போக்கையே கடைப்பிடிக்கின்றன. தமிழர் பண்பாட்டு நடுவம் உள்ளிட்ட தமிழ் அமைப்புகள் தமிழில் பெயர்பலகை வைக்காத கடைகளுக்கு நேரில் சென்று தமிழக அரசின் உத்தரவை கொடுத்து தமிழில் பெயர்மாற்றம் செய்ய அறிவுறுத்துகின்றன . இருப்பினும் சென்னை போன்ற பெரு நகரங்களில் தினந்தோறும் பல நூறு கடைகள் புதிதாக முளைக்கின்றன . எல்லா கடைகளையும் தமிழ் அமைப்புகளால் கண்காணிக்க முடிவதில்லை. இதை அரசு அதிகாரிகள் தான் கண்காணிக்க வேண்டும்.

இதை கருத்தில் கொண்டு தமிழக அரசு கடுமையான விதிகளை உருவாக்கி கடைகளுக்கு பெயர் மாற்றம் செய்ய வலியுறுத்த வேண்டும். கர்நாடக மாநிலத்தில் கன்னட மொழியில் பெயர் பலகை இல்லையெனில் கடுமையான அபராதத்தை கன்னட அரசு விதிக்கிறது . அதே போல தமிழக அரசும் தமிழில் பெயர் பலகை வைக்காத கடைகளுக்கு ரூ 10000 அபராதம் விதித்தால் உடனடியாக இந்த நிறுவனங்கள் தமிழில் பெயர்ப்பலகை வைக்கத் தொடங்குவார்கள். தமிழக அரசு உடனடியாக இந்த அபராத விதிமுறையை நடைமுறைப்படுத்த வேண்டும் என்று தமிழர் பண்பாட்டு அரசுக்கு கோரிக்கை வைக்கிறது .http://newsalai.com/?p=39072

[vuukle-powerbar-top]

Recent Post