Latest News

தங்களின் பிராந்திய செய்திகளை அனுப்பி வையுங்கள் உலகறிய செய்கிறோம்
newsalai.com@gmail.com

எல்லா நாடுகளிலும் ஓட்டுனர் உரிமம் அவர்கள் தாய் மொழியில் வழங்கப்படுகிறது. தமிழ்நாட்டில் மட்டும் ஏன் தமிழில் வழங்கப்படுவதில்லை?

சீனா, ஜப்பான், ருசியா , ஜெர்மனி போன்ற ஆங்கிலம் பேசாத எல்லா நாடுகளிலும் அவரவர் தாய் மொழியில் ஓட்டுனர் உரிமம் உள்ளிட்ட அனைத்து ஆவணங்களும் மக்களுக்கு  வழங்கப்படுகிறது. ஆனால் தமிழை ஆட்சி மொழியாகக் கொண்ட தமிழ்நாட்டில் ஓட்டுனர் உரிமமும், வாகனப் பதிவு பத்திரமும் தமிழ் மொழியில் வழங்கப்படாமல் முற்றிலும் ஆங்கிலத்தில் வழங்கப்படுகிறது. தமிழ்நாட்டின் ஆட்சி மொழி தமிழா அல்லது ஆங்கிலமா ? இதை முதலில் தமிழக அரசு தெளிவுபடுத்த வேண்டும்.

ஆவணத்தில் காணப்படும் தமிழ்நாடு அரசின் சின்னத்தில் உள்ள வாக்கியங்கள் கூட தமிழில் இல்லை என்பது தான் வேதனையின் உச்சகட்டம். ஆங்கிலத்தில் தகவல் இருப்பது தவறில்லை என்று வைத்துக் கொண்டாலும் ஆங்கிலத்தோடு தமிழுக்கும் ஏன் இடம் கொடுக்கவில்லை என்பது தான் நம் கேள்வி. தமிழ்நாடு ஓட்டுனர் உரிமம் என்று தமிழில் தலைப்பு இருந்தால் என்ன கெட்டுவிடப் போகிறது.

இந்தி  அரசு கொடுக்கும் கடவுச்சீட்டு, வங்கி அட்டை, வருமான வரி அட்டை, அஞ்சல் தலை, பயணச் சீட்டுகளில் தமிழ் இல்லை என்று  கூச்சலிடும் நாம் தமிழக அரசு வழங்கும் ஆவணங்களில் தமிழில் இல்லையே என்று ஏன் குரல் எழுப்பவில்லை ? ஏன் எந்த அரசியல் தலைவர்களும் இது குறித்து பேசவும் இல்லை. இந்தி அரசும் தமிழை புறக்கணிக்கிறது , தமிழக அரசும் தமிழை புறக்கணிக்கிறது . இரண்டுக்கும் என்ன பெரிய வேறுபாடு உள்ளது ? தமிழ்நாட்டு அரசு கொடுக்கும் ஆவணங்கள் அனைத்திலும் கட்டாயம் தமிழ் இடம்பெற வேண்டும் என்ற போராட்டத்தை நாம் அடுத்தகட்டமாக முன்னெடுக்க வேண்டும்.
[vuukle-powerbar-top]

Recent Post